ເລື່ອງເກົ່າທີ່ເລົ່າສືບຕໍ່ກັນມາ...

 

ຈຳລອງຝັກພ້າສ່ຽວ(ກຶມໝຸ)ໃນຕຳນານ ຈາກສະໂມສອນເມືອງປາ-ຜາລຽບ

ແຕ່ກີ້ແຕ່ກ່ອນນານມາແລ້ວ.....ມີສອງສ່ຽວມັກໄປເລາະປ່າຫາລ່າເນື້ອ (ເຜົ່າລາວ ແລະ ກຶມໝຸ) ພວກເຂົາເລາະລຽບໄປຕາມ ສາຍນ້ຳ ແລະ ຜາສູງ. ... ວັນໜຶ່ງ ໃນເວລາສອງສ່ຽວພາກັນຍ່າງຢູ່ເທິງໜ້າຜາສູງນັ້ນ ຕ່າງກໍຮູ້ສຶກສັ່ນສະທ້ານເມື່ອຫລຽວລົງມາ ດ້ານລຸ່ມ ເຊິ່ງເຫັນສາຍນ້ຳກຳລັງໄຫລລ່ອງພໍຄິມມິມ(ນ້ຳຂອງນີ້ລະ)....ໃນເວລາທີ່ພວກເຂົາຮູ້ວ່າຕົນເອງຢູ່ສູງ ແລະ ຢຽບໜ້າຜາ ໝິ່ນໆຢູ່ນັ້ນຜູ້ເປັນສ່ຽວ(ເຜົ່າລາວ)ກໍເວົ້າຂຶ້ນວ່າ:

ຈຳລອງປືນລ່າເນື້ອສ່ຽວ(ລາວ)ໃນຕຳນານ ຈາກສະໂມສອນເມືອງປາ-ຜາລຽບ

- ຊິມີໃຜນໍ້ ເກ່ງກ້າພໍທີ່ຈະໂດດຈາກໜ້າຜານີ້ລົງສູ່ວັງນ້ຳໄດ້ ຫາກບໍ່ຕາຍຊິໃຫ້ເປັນພະຍາ(ເຈົ້າເມືອງ)....ໃນເວລາສ່ຽວຜູ້ລາວ ເວົ້າວ່າ ໃຜກ້າໂດດຢູ່ນັ້ນ ສ່ຽວ(ກຶມໝຸ)ທີ່ໄປນຳກັນຮູ້ສຶກວ່າຢ້ານຈົນຕົນໂຕສັ່ນ-ຫົວເຂົ່າອ່ອນ ເລີຍໂຍບລົງວ່າຈະນັ່ງ, ຍ້ອນຢ້ານ ສັ່ນເກີນໄປຈຶ່ງລືມຄິດວ່າ ຕົນເອງໄດ້ຂັດຝັກພ້າໄວ້ຂ້າງຫລັງ....ບ້ອຍວ່າຈະນັ່ງໂຍ້ກົ້ນລົງເທົ່ານັ້ນລະ ຝັກພ້າທີ່ຍ່ອນຢູ່ນັ້ນ ໄດ້ຄ້ຳໃສ່ ກ້ອນຫິນ ສ່ຽວ(ກຶມໝຸ)ຕັ້ງໂຕບໍ່ທັນເລີຍຫົວດວນລົງໜ້າຜາລົງສູ່ແມ່ນ້ຳຢູ່ລຸ່ມນັ້ນ....ສ່ວນສ່ຽວ(ເຜົ່າລາວ) ກໍບໍ່ຮູ້ເລື່ອງໄດ້ແຕ່ ຄິດວ່າ ສ່ຽວຂອງຕົນມີຄວາມກ້າຫານຫລາຍທີ່ກ້າໂດດຈາກໜ້າຜາສູງລົງນ້ຳໄດ້ ເລີຍຍົກຍ້ອງໃຫ້ເປັນພະຍາຄອງເມືອງ ເຊິ່ງເມືອງທີ່ກ່າວເຖິງນີ້ຖືກເອີ້ນກັນສືບໆມາວ່າ: " ເມືອງປາ-ຜາລຽບ ".....

ເມືອງປາ-ຜາລຽບ ເປັນເຂດທີ່ໝັ້ນຂອງການປະຕິວັດເກົ່າ ແຕ່ປະຊາຊົນຍັງທຸກຍາກ, ມີລາຍ ຮັບຕໍ່າທີ່ສຸດຂອງ ເມືອງປາກລາຍ, ຍັງບໍ່ທັນມີໄຟຟ້າ, ນ້ຳປະປາ, ເປັນເຂດທີ່ມີຫລາຍຊົນເຜົ່າ, ອາຊີບຂອງປະຊາ ຊົນແມ່ນເຮັດ ໄຮ່-ນາ. ກຸ່ມບ້ານພັດທະນາ ເມືອງປາ-ຜາລຽບ ເສັ້ນທາງຫາກໍ່ທະລຸຮອດເມື່ອປີ 2012, ໄຟຟ້າຫາກໍ່ດຶງເຂົ້າ ເມື່ອ 2013 ແຕ່ຍັງໃຊ້ບໍ່ທົ່ວເຖິງ, ຍັງບໍ່ທັນມີລະ ບົບນ້ຳປະປາ ແລະ ຕລາດຄົງທີ່. ປັດຈຸບັນນີ້ ທາງອຳນາດການປົກຄອງເມືອງ ປາກລາຍ ໄດ້ເອົາໃຈໃສ່ໃນການກໍ່ສ້າງຮາກຖານ ເພື່ອຊ່ວຍປະຊາຊົນຫລຸດພົ້ນຈາກ ຄວາມທຸກຍາກ ເພາະເຂດນີ້ເປັນຖານທີ່ໝັນການປະຕິວັດມາກ່ອນ.

ໃນປີ ໒໐໑໑ ຄະນະລະຄອນສຽງແຄນລາວ ພວກເຮົາໄປຊ່ວຍເຫລືອເຄື່ອງກັນໜາວແກ່ປະຊາຊົນໃນເຂດນີ້ ກ່ວາຈະເດີນທາງໄປຮອດກໍເຮັດໃຫ້ທີມງານຫລາຍຄົນເມື່ອຍເຕີບໜຶ່ງ..

ຜູ້ເຖົ້າຜູ້ແກ່ ໄດ້ແຕ່ແຍງ ແລ້ວກໍແຍງໆໆໆ...ແຕ່ບໍ່ຮູ້ວ່າເມື່ອໃດພຸດທະສິມມາຈະສຳເລັດ

“ ວັດບ້ານເມືອງປາ, ກຸຕິ,ສາລາແມ່ນ ຊຸດໂຊມຫລາຍແລ້ວ ຊາວບ້ານພາກັນກໍ່ສ້າງສິມມາຫລາຍປີ ແຕ່ ກໍຍັງບໍ່ທັນສຳເລັດເທື່ອ. ຍັງບໍ່ທັນໄດ້ ຂຶ້ນແອວຂັນ,ຍັງບໍ່ທັນ ໄດ້ໂບກ, ຍັງບໍ່ທັນມີປະຕູ ແລະ ປ່ອງຢ້ຽມ ແລະ ອື່ນໆ. ຕອນນັ້ນພວກເຮົາຄິດວ່າຈະພະຍາ ຍາມ ກັບໄປທີ່ເມືອງປານີ້ອີກ ພ້ອມກັບ“ ຍອດຊໍ່ຟ້າ ແລະ ກອງຜ້າປ່າສາມັກຄີ ” ຄາດວ່າໃນລະຫວ່າງທ້າຍເດືອນມັງກອນ ໒໐໑໒ ແລະໃນທີ່ສຸດ ຄວາມຝັນ ກໍເປັນຈິງ.

ໃນວັນທີ 11 ກຸມພາ 2012 ວິທະຍຸກະຈາຍສຽງແຫ່ງຊາດລາວ,ໂທລະພາບແຫ່ງຊາດລາວ ໂດຍສະເພາະ ທີມງານຄະນະລະຄອນສຽງແຄນລາວ ໄດ້ລະດົມທຶນເພື່ອຊ່ວຍສ້າງສິມວັດບ້ານໃຫຍ່ເມືອງປາ ດ້ວຍການນຳ ກອງຜ້າປ່າ, ຍອດຊໍ່ຟ້າ ໄປທອດຖວາຍ ຄັ້ງນັ້ນ ລະດົມທຶນໄດ້ປະມານ 50-60 ລ້ານ ແຕ່ກໍຍັງບໍ່ສໍາເລັດເທື່ອ

ອີງຕາມຄວາມຂາດເຂີນຂອງຊາວບ້ານທີ່ຍັງທຸກຍາກບໍ່ສາມາດສ້າງສິມນີ້ໃຫ້ສຳເລັດໂດຍໄວ, ໂດຍໄດ້ຮັບການ ຮ້ອງຂໍຈາກນາຍບ້ານໃຫຍ່ພັດທະນາເມືອງປາ(ເອກະສານລົງວັນທີ 28 ກໍລະກົດ 2014) ເຖິງຫ້ອງການ ຖວທ ເມືອງ ປາກລາຍ ແຂວງໄຊຍະບູລີ ເພື່ອຂໍໃຫ້ຊ່ວຍຫາທາງໃນການ ລະດົມໃນການສືບຕໍ່ສ້າງພຸດທະສິມມາຫລັງດັ່ງກ່າວໃຫ້ສຳ ເລັດໄວຂຶ້ນ. ໃນນາມຫົວໜ້າຫ້ອງການ ຖະແຫລງຂ່າວ, ວັທະນະທຳ ແລະ ທ່ອງທ່ຽວ ເມືອງປາກລາຍ ຈຶ່ງໄດ້ເຮັດໜັງ ສືຄຳຮ້ອງ ມາຍັງທ່ານຜູ້ອຳນວຍການວິທະຍຸກະຈາຍສຽງແຫ່ງຊາດລາວ ໂດຍສະເພາະເຖິງທີມງານ ຄະນະລະຄອນສຽງ ແຄນລາວ ແລະ ໂທລະພາບແຫ່ງຊາດລາວ ຂໍຈົ່ງໄດ້ສືບຕໍ່ຊ່ວຍເຫລືອຊາວບ້ານໃໝ່ວັງປາໃນການສ້າງພຸດທະສີມມາ ຫລັງນີ້ຕື່ມອີກ ເຊິ່ງທາງບ້ານຍັງມີ ຄວາມ ຕ້ອງການອຸປກອນກໍ່ສ້າງ ແລະ ສີຫລາຍຊະນິດ.

ທ່ານພ້ອມທີ່ຈະເຮັດການກຸສົນຮ່ວມກັບພວກເຮົາບໍ່ ທາງທີມງານຈະນຳກອງຜ້າປ່າໄປຖວາຍ ລະຫວ່າງທ້າຍ ເດືອນທັນວາ 2014 ນີ້(ວັນເວລາແນ່ນອນຈະແຈ້ງໃຫ້ຊາບພາຍຫລັງ), ນອກນີ້ພວກເຮົາຍັງຕ້ອງການອຸປະກອນການຮຽນ, ເຄື່ອງນຸ່ງຫົ່ມ ທຳມະດາ, ຊຸດນັກຮຽນ, ເຄື່ອງກັນໜາວ(ເກົ່າແຕ່ໃຊ້ໄດ້ ຫລື ໃໝ່ກໍຍິ່ງດີ) ເພາະລູກຫລານພວກເຮົາຍັງຂາດແຄນເລື່ອງນີ້ຫລາຍ

ໂຮງຮຽນປະຖົມບ້ານເມືອງປາ ເມືອງປາກລາຍ ແຂວງ ໄຊຍະບູລີ 

ໂຮງຮຽນປະຖົມບ້ານເມືອງປາ ເມືອງປາກລາຍ ແຂວງ ໄຊຍະບູລີ 

ບ້ານນ້ຳປາ ເມືອງປາກລາຍ ແຂວງ ໄຊຍະບູລີ ຈະມີອາກາດທີ່ໜາວເຢັນສົມຄວນ

(ນັດພົບກັນ ທີ່ບ້ານນ້ຳປາເດີ້... 

ຕິດຕໍ່ທີມງານໄດ້ທີ່:
ວິທະຍຸກະຈາຍສຽງແຫ່ງຊາດລາວ, ພະແນກວັນນະຄະດີ-ຄະນະລະຄອນສຽງແຄນລາວ
ໂທຣ: (030) 5787052, (020) 55338863, ໂທລະສານ: (021) 262113, ຕູ້ ປ.ນ 310

(ຂອບໃຈທີ່ຕິດຕາມ-ຂອບໃຈຫລາຍໆທີ່ທ່ານເປັນໜຶ່ງທີ່ມີສ່ວນຮ່ວມໃນກິດຈະກຳການກຸສົນນີ້)

ແມ່ພິມຊອງຊາດທີ່ເຮົາບໍ່ອາດລືມ

ລາຍການ “ສົ່ງເສີມສິນລະປິນ” ລາຍການນີ້ມີໃຫ້ທ່ານໄດ້ຮັບຟັງທຸກໆມື້ວັນເສົາ ທາງລະບົບ AM 567 Khz ຄື້ນສັ້ນ SW 6130 Khz ຫລື 49 ແມັດ ເວລາ 8:30-9:00 ໂມງ. ວັນເສົາ ວັນທີ 11 ຕຸລາ 2014 ນີ້ ຈະນຳສະເໜີກ່ຽວກັບເວົ້າກ່ຽວກັບ ເພງ ແລະ ບົດກອນຈາກນັກຂຽນຫລາຍໆທ່ານ ທີ່ໄດ້ບັນຍາຍເພື່ອສັນລະເສີນຄຸນຄູ ເຊິ່ງປຽບດັ່ງພໍ່ແມ່ຜູ້ທີສອງ….

 ຕິດຕາມເນື້ອໃນບາງສ່ວນໄດ້ທີ່ນີ້

ກົດໄດ້ເລີຍ

ນັກກະວີຜີເຂົ້າ...ເຈົ້າຮູ້ບໍ່....

" ນັກກະວີຜີເຂົ້າ " ຄຳເວົ້ານີ້ເຄີຍໄດ້ຍິນຜ່ານມາດົນປີແລ້ວ ເຊິ່ງມັນຕິດພັນກັບລູກຫລານ

ຂອງຄົນບ້ານຂີ້ນາກ ເມືອງໂຂງ ແຂວງຈຳປາສັກ ເຊິ່ງໄດ້ເຕີບໃຫຍ່ມາຈາກ “ ແດນນັກປາດ ຊາດນັກກະວີ ດິນແດນແຫ່ງກາບ ກອນຜະຫຍາສຸພາສິດ ດິນແດນຕົ້ນຕຳນານຂັບຂານ ສີພັນດອນ-ຂັບໂສມທີ່ລືຊື່ ” ທີ່ເຂົາຝັນໃຝ່ຢາກເປັນນັກຂຽນ ເພາະເຂົາຄິດວ່າ: 

ເຄື່ອງມືທີ່ຫາກິນເຊິ່ງຟ້າດິນໄດ້ມອບໃຫ້ເຂົານັ້ນຄື “ປາກກາ”.......

ໜຶ່ງໃນນັກປະພັນເພງທີ່ມີຊື່ສຽງ
ແລະຫລາຍຄົນໃນວົງການມັກໄດ້ຍິນຄຳວ່າ " ນັກກະວີຜີເຂົ້າ " ເຊິ່ງໝາຍຄວາມວ່າ ເມື່ອໃດທີ່ມີສິ່ງກະຕຸ້ນ ຈະດ້ວຍເຫດຜົນໃດກໍຕາມ ຫລື ບໍ່ຮູ້ສາເຫດກໍຕາມ ເວລານັ້ນ ການປະພັນ....ຈະອອກມາດີໄດ້ອາລົມ ແລະ ໃຊ້ເວລາສັ້ນໆເທົ່ານັ້ນ
ຖ້າຢາກຮູ້ລອງໆໆໆໆ

ກົດເບິ່ງ ແລະ ອ່ານບ່ອນນີ້ໄວໆ

ປູ່ຈັນ ສັນຍາຮັກແຫ່ງມິດຕະພາບ...ມັກຟັງບໍ່ ?

...ເຈົ້າຂອງຜົນງານເພງ " ປູ່ຈັນ " ເຂົາຄື ຄຳພູທະວີວັນ....

ເພງ “ປູ່ຈັນ” ເປັນເພງທີ່ສະທ້ອນບັນຫາໃຫ້ຄົນສອງຝັ່ງແມ່ນ້ຳຂອງຮັກແພງ-ສາມັກຄີກັນ ເພາະພວກເຮົາຄືລູກຫລານ “ປູ່ຈັນ”….ເພງ “ປູ່ຈັນ” ເປັນເພງທີ່ມີເນື້ອໃນສະທ້ອນໃຫ້ເຫັນເຖິງຄວາມ ສຳພັນຂອງຄົນສອງຟາກຝັ່ງຂອງ ແລະ ເປັນເພງທີ່ ມີຈຸດປະສົງເພື່ອຟື້ນຟູຄວາມສຳພັນລາວ-ໄທ ອີກຄັ້ງໜຶ່ງພາຍຫລັງ ໄທ-ລາວ ມີບັນຫາຊາຍແດນທີ່ຄົນລາວ ລືມບໍ່ໄດ້ນັ້ນກໍຄື “ເສິກບໍ່ແຕນ” ເຊິ່ງຈົບລົງໃນວັນທີ 19 ກຸມພາ 1988

ຫາກທ່ານສົນໃຈນັກຮ້ອງ ອາວຸໂສທ່ານນີ້

ກົດບ່ອນນີ້ເພື່ອອ່ານ

ມີຄົນເອີ້ນລາວວ່າ "ລາຊາເພງມ່ວນ"

ໄຊພອນ ສິທະລາດໄດ້ກ້າວສູ່ວົງການເພງເມື່ອປີ ຄ.ສ 1970(ພສ 2512) ຫລື ປະມານ 44 ປີທີ່ແລ້ວ ໂດຍການເປັນນັກຮ້ອງປະຈຳວົງດົນຕີ “ ສິນທະວີໄຊ ” ກ່ອນຈະແຍກຕົວມາຕັ້ງວົງດົນຕີເປັນຂອງຕົນເອງໃນຊື່ວົງ “ ດາວບ້ານນາ ”

“ ໄຊພອນ ສິນທະລາດ ” ນັກຮ້ອງໃນຕຳນານເພງບ້ານນາ ທີ່ຫລາຍຄົນ ຮູ້ຈັກມານານນັບສິບໆປີ ເຊັ່ນເພງ: ບ້ານໂພນທີ່ຝັງໃຈ, ສາວລ່ອງແຈ້ງ, ນ້ຳຖ້ວມຖິ່ນເພຍ,ສິ້ນໃຈເມຍ, ລາສາວທົ່ງ, ອະດີດຮັກ 1969 ແລະ ອື່ນໆ.

ຢາກຮູ້ລາຍລະອຽດຕ້ອງກົດບ່ອນນີ້

ການແຂ່ງຂັນຮ້ອງເພງທາງວິທະຍຸໄດ້ເລີ່ມຕົ້ນແລ້ວ...

ວິທະຍຸກະຈາຍສຽງແຫ່ງຊາດລາວ ໄດ້ຈັດ “ແຂ່ງຂັນການຮ້ອງເພງອອກອາກາດສົດ” ເຊິ່ງຈະແຂ່ງຂັນ ອາທິດລະເທື່ອ ແລະ ໄດ້ເລີ່ມດຳເນີນ ໃນວັນເສົາ ວັນທີ 9 ສິງຫາ 2014 ແລະ ຈະດຳເນີນໄປໝົດປີ 2015.ໂດຍການມີສ່ວນຮ່ວມຂອງຫລາຍໜ່ວຍ ງານໃນ ວສລ, ບໍລິສັດ ແລະ ຫ້າງຮ້ານຕ່າງໆ ຈຸດປະສົງແມ່ນເພື່ອສ້າງບັນຍາກາດຕ້ອນຮັບວັນຊາດທີ່ 2 ທັນວາ ຄົບຮອບ 40 ປີ ແລະ ຕ້ອນຮັບຊົມເຊີຍວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 55 ປີ

ຕິດຕາມລາຍລະອຽດ

ກົດບ່ອນນີ້ເດີ້

ຈຳປາເມືອງລາວ ຄຸນຄ່າ ແລະ ຄວາມໝາຍທີ່ຫຍິ່ງໃຫຍ່

ຫອມໃດໃນໂລກ­ນີ້......................ບໍ່­ປຸນ­ປຽບ­ຈໍາ­ປາ ດອກ­ນາ 

ຫອມ­ທົ່ວເຖິງເວຫາ.........................ເມກຂະ­ລາແດນດ້າວ 

ຫອມ­ມິເບົາບາງໄດ້.................................ພໍພຽງ­ຍາມ­ຍີບ 

ຫອມ­ກີບ­ດວງ­ລື່ນ­ອົ້ມ.....................ຍາມ­ລົມຕ້ອງ­ກິ່ນ­ມາ... 

(ຄັດຈາກບົດກອນ "ຫອມກິ່ນຈຳປາ" ຂອງ ພ.ພວງສະບາ)

ທ່ານ ອຸຕະມະ ຈຸລາມະນີ ແມ່ນຜູ້ໃຫ້ທຳນອງເພງ: ດອກຈຳປາ ຫລື ດວງຈຳປາ ຫລື ຈຳປາເມືອງລາວ ເຊິ່ງເພງນີ້ ເປັນເພງທີ່ໄດ້ຮັບຄວາມນິຍົມ ແລະ ຊື່ນຊົມຂອງຄົນລາວທັງຊາດ ເປັນສັນຍາລັກແຫ່ງຄວາມເປັນລາວ

....ຫາກທ່ານຍັງບໍ່ໝັ້ນໃຈວ່າເພງນີ້ ມີອາຍຸເທົ່າໃດ ແລະ ມີຄວາມໝາຍທີ່ຍິ່ງໃຫຍ່ແນວໃດນັ້ນ....

ອ່ານເພີ່ມເຕີມໄດ້ທີ່ນີ້ ClickHere